Караткевіч...

У гэтым прозвішчы для беларусаў паяднана вельмі шмат: і гісторыя Радзімы, і першыя кнігі, прачытаныя на роднай мове, і першае пачуццё гонару - за сябе, нашчадка ТАКІХ людзей...
Часам нават дзіўна, што ён, класік нашай літаратуры, жыў зусім нядаўна, і ёсць людзі, якія бачылі яго, размаўлялі з ім... Побач з намі можа апынуцца жанчына, якая была закаханыя ў яго, жывая і тая, якую кахаў некалі ён...
Пакуль Уладзімір Караткевіч не ператварыўся ў бронзавы помнік на плошчы свайго імя, пагаворым пра яго, чалавека, - з даследчыкам новага пакалення - Дзянісам Марціновічам, аўтарам кніг "Донжуанскі спіс" Караткевіча" і "Жанчыны ў жыцці Уладзіміра Караткевіча".
Задавайце свае пытанні!